Не може да помине без спорен момент кога се игра некое големо европско фудбалско дерби. Така беше и синоќа на „Сантијаго Бернабеу“, каде што Манчестер сити се радуваше на победа од 2:1.
Домаќинот Реал поведе со 1:0, но Граѓаните уште во првото полувреме направија целосен пресврт и постигнаа два гола. Погодокот на Ерлинг Халанд за 2:1 беше постигнат од пенал откако Рудигер во шеснаесетникот го фаулира голгетерот на Сити.
Интересно е дека неколку минути по тој погодок на Халанд, играчите на Реал Мадрид бараа пенал на спротивната страна по дуелот меѓу Јошко Гвардиол и Раул Асенсио. Дефанзивецот на Сити го влечеше играчот на Реал во гостинскиот шеснаесетник, но судијата Клемен Турпан не досуди пенал. Дури ни од ВАР-собата немаше реакција за оваа ситуација, па играта продолжи, но реакциите продолжија и по средбата.
Фановите на Реал преку социјалните мрежи го истакнуваат својот револт сметајќи дека требало да има пенал за Кралевите.
„За пеналот на Сити, од ВАР-собата веднаш реагираа и го повикаа судијата да ја погледне ситуацијата, но кога Гвардиол го влече Асенсио за дрес, не требаше ни 10 секунди за да се јави дека немало ништо“, се вели во еден од коментарите.
Cuanto menos curioso que el de Halaand no tardan ni un minuto en mandarle a que lo vea y este a Raul Asencio donde Gvardiol lo desnuda ni 10 segundos han necesitado desde el VAR para decirle que no había nada 🤐 pic.twitter.com/DKwYtIa3si
— Manucho (@_paachoo_) December 10, 2025
Друг навивач беше креативен во реакцијата. „Не беше пенал. ‘Адидас’ го има ангажирано Гвардиол да направи тестирање на издржливоста на дресовите и во најтешки услови“
No es penalti… es q Adidas ha fichado a Gvardiol para hacer tests rándom te durabilidades de las camisetas en entorno competitivo pic.twitter.com/jvKEPWNoLQ
— VozMadridista (@VozMadridista) December 11, 2025
