Шалке 04 важи за еден од култните германски фудбалски клубови. Кај екипата од Гелзенкирхен „не цветаат рози“ и минатата сезона едвај се спаси да не испадне од втората Бундеслига.
Иако навивачите на Шалке не толку одамна беа навикнати да гледаат елитен фудбал во германското првенство, а тимот беше дел дури и од настапите во Лигата на шампионите, тие и сега не се откажуваат од својот омилен клуб.
На претставувањето на екипата на Шалке за новата сезона владееше вистинска еуфорија. Неверојатни 80.000 навивачи дојдоа да ги поздрават фудбалерите на Шалке.
Едноставно фановите на Шалке се поим за вероност и љубов кон омилениот клуб.
