Реал Сосиедад славеше на гостувањето кај Салцбург со 2-0 и овој резултат потврди дека оваа група, во која се и Интер и Бенфика, ќе биде една од најинтересните околу битката за првите две места.
За првпат по 23 години се одигра меч од фудбалската Лига на шампионите во германската престолнина Берлин, но овојпат не играше Херта, туку Унион. Средбата на Унион Берлин и Брага заврши со победа на гостите од 3-2, со победнички гол на Андре Кастро во 94-тата минута.
Домашниот играч Шералдо Бекер стана прв играч од Суринам кој дал два гола на еден меч во ЛШ, Унион со неговите голови водеше со 2-0, но попусто, не дојдоа до првиот бод.
Фановите на Унион Берлин се лути што УЕФА не му дозволи на клубот да игра на нивниот стадион, па испратија брутална порака до раководството на Европската фудбалска унија.
Од друга страна, Олимпискиот стадион во Берлин никогаш не бил толку обоен во црвена боја и никогаш порано се немаше случено 75.000 навивачи на Унион Берлин да бидат на ист стадион, па играњето на стадион кој не е нивен им донесе и историја.
