Лука Лутенбах, навивачот на Швајцарија што стана хит со реакциите во финишот на дуелот против Франција во осминафиналето на Европското првенство, ќе биде амајлија на својата репрезентација и во Санкт Петербург, на четвртфиналето против Шпанија.
Неговите две фотографии од финишот на мечот, кога од очаен израз на лицето при резултат од 3:2 за Франција стигна до еуфорија по голот на Сеферовиќ во 90-тата минута за 3:3, станаа хит на социјалните мрежи.
Лука потоа на шега објави пост на социјалните мрежи, каде што бараше парична помош за да патува до Санкт Петербург и доби пријатно изненадување од швајцарска авиокомпанија.
„Драг Лука, контактирајте нè и ние ќе направиме вашиот сон да стане реалност“, беше одговорот од авиокомпанијата за Лутенбах.
Воодушевен од двете фотографии на швајцарскиот навивач беше и градоначалникот на Лондон, Садик Кан, кој објави и твит за Лука.
https://twitter.com/SadiqKhan/status/1409630137998512128?s=20
Финалето на ЕП ќе се игра во Лондон, па ако Швајцарците продолжат со сензации, можно е да има и средба меѓу Лука и градоначалникот на Лондон.
