НБА-клубовите Денвер и Вашингтон потврдија дека направија размена дури на четворица играчи. Во Денвер заминаа Калдвел-Поуп и Иш Смит, додека Волшебниците од Вашингтон ги добија Монте Морис и Вил Бартон.
Од сите овие четворица играчи, Смит е кошаркарот со најслаба статистика во минатата сезона, но тој е во фокусот на трансферот. Искусниот 34-годишен Смит со облекувањето на дресот на Денвер ќе го запише 13-тиот негов НБА-клуб во кариерата и со тоа станува рекордер во најсилната кошаркарска лига во светот.
Смит од 2010 година е во НБА, а досега има играно за Хјустон, Мемфис, Голден стејт, Орландо, Милвоки, Феникс, Оклахома, Филаделфија, Њу Орлеанс, Деторит, Вашингтон и Шарлот.
