Кошаркарот на Голден стејт вориорс, Крис Пол, беше исклучен на дуелот против Индијана пејсерс кој неговиот тим го загуби со 111:123, и тоа поради чудна причина, го нарече судијата „Тиктокер“.
Пол во финишот на мечот доби две технички грешки, што автоматски значеше и исклучување од натпреварот.
Судијата Тони Брадерс прво на 22,6 секунди пред крајот на мечот му досуди техничка грешка на Пол, а ол-стар бекот теренот го напушти на 6,6 секунди пред крајот кога доби и втора техничка грешка.
Пол на прес-конференцијата по мечот ја откри причината зошто беше исклучен.
„Тоа е стариот Тони, зборуваше со мене, јас му одговорив. Го нареков „Тиктокер“ и тој ми даде техничка грешка. Втората техничка грешка ја добив бидејќи му реков дека има корист од големите овластувања. Тогаш ме исклучи“, рече Пол.
"I called him a TikToker, and I got a tech."
– Chris Paul
(via @NBCSWarriors)
— Hoop Central (@TheHoopCentral) March 23, 2024
