Бен Симонс, ѕвездата на Филаделфија сиксерс, конечно ја погоди својата прва тројка во НБА-кариерата. Додуша на подготвителен натпревар, не на официјален, но и ова е напредок.
Овој 23-годишен Австралиец откажа да игра за Светското првенство во Кина и летово работел на својот шут од далечина. Тој во првите две сезони во НБА одигра 182 меча, се доближуваше и до трипл-дабл, но шутот од дистанца речиси и не му постоеше. Сега ако почне да погодува и тројки, Симонс ќе биде еден од најопасните играчи во Лигата.
Кога ја погоди својата прва тројка во последната секунда од првото полувреме против кинескиот Гуангџу, салата „експлодираше“, публиката добро знае дека ова е голема новина, а и резервите на „76-ките“ славеа.
Ben Simmons pulls up from way beyond the arc! #NBAPreseason pic.twitter.com/dg5v9WUZdL
— NBA (@NBA) October 9, 2019
Уште поинтересна беше реакцијата на навивачите кои не беа во салата, туку го гледаа мечот во бар.
