Екипата на Лос Анџелес го искористи домашниот терен и славеше над Интер Мајами со 1:0 во првиот меч од четвртфиналето на КОНКАКАФ шампионскиот куп. На почетокот на второто полувреме младиот напаѓач Нејтан Ордаз погоди за водство на Лос Анџелес, а на крајот тој погодок се покажа како единствен и доволен за победа на домашниот тим.
Кај Интер Мајами во стартнит тим беа сите четири некогашни ѕведзи на Барселона, Лионел Меси, Луис Суарес, Серхио Бускетс и Жорди Алба, но и покрај тоа, гостите едноставно беа немоќни да се спасат од пораз.
За Интер Мајами ова е прв пораз во 2025 година. Тимот предводен од Меси досега имаше низа од 14 натпревари без пораз (на 11 се радуваа, а трипати ремизираа). Сега не само што првпат загубија во 2025 година, туку Интер Мајами првпат оваа година не успеа да постигне барем еден погодок на натпреварот.
