Ако првиот дел од сезоната беше фантастичен за Столе Димитриевски и Рајо Ваљекано, во продолжението никако да тргне на добро.
Поразот од Кадиз од 2:0, е шести едноподруго во Ла Лига, со што Рајо од тим за излез во Европа, почнува да стравува дека ќе го очекува исклучително тешка борба за опстанок.
Столе трета средба по ред му беше замена на Лука Зидан кој и за двата гола беше директен виновник, па останува да се постави прашањето зошто упорно е тој меѓу стативите. Синот на легендарниот Зизу се избламира а навивачите се чудеа што правеше тој при ударите на Рубен Алкараз во 55-та минута и Осама Идризи кој погоди осум минути подоцна.
Рајо остана на бројката на 31 бод и во моментов е на 13-то место, додека на местото под број 18 кој носи пад во „сегунда“ е токму Кадиз кој сега има 24 бодови.
Дека не му се пишува добро на Столе и неговите соиграчи говори и фактот дека во наредните недели треба да играат против Севилја, Атлетико Мадрид и Валенсија, кои што се во одлична форма.
El 2-0 que ha marcado el Cádiz es hasta cómico. Lo de Luca Zidane es anticompetitivo para Primera División. Y se nota lo mal que lo está pasando en estas semanas. Qué gol tan terrible.pic.twitter.com/BTtoNxOgZi
— Luis Calabor Núñez (@LuigiCalabor) March 6, 2022
