Барселона победнички си замина од гостувањето во Мадрид кај Атлетико откако со 2:1 победи на „Ванда Метрополитано“. Со оваа победа каталонскиот гигант стигна до седум бода пред најголемиот ривал Реал Мадрид и сега е чекор поблиску до одбрана на титулата во домашното првенство.
Атлетико прв даде гол и поведе со 1:0, но тоа не ги збуни гостите. Барселона брзо израмни кога Маркус Рашфорд погоди за 1:1. Во финишот на мечот се случи комплетен пресврт кога на среќен начин Роберт Левандовски погоди за 2:1 и донесе три бода за актуелниот првак.
Сезонава Барселона покажува ментална сила и кога е во негатива, да успее да го сврти резултатот во своја корист. Вкупно 21 бодови освои Барселона сезонава откако тимот бил со негативен резултат. Од топ 5 лигите во Европа, единствено Баерн Минхен е подобар од каталонскиот гигант. Германскиот шампион сезонава освои 22 бодови, откако прво примил гол и бил во негатива.
21 – #Barcelona 🔵🔴 have gained 21 points from losing position in the 2025/26 @LaLigaEn season, a tally that, among teams in Europe’s top five leagues, is surpassed only by Bayern Munich (22). Boost. pic.twitter.com/Te7jTaGXbB
— OptaJose (@OptaJose) April 4, 2026
