Шпекулациите околу иднината на една од најголемите ѕвезди на Ливерпул, Вирџил ван Дајк, се засилуваат, сега се појави информација дека италијанскиот првак Интер е сериозно заинтересиран за искусниот холандски дефанзивец.
Досега Пари Сен Жермен се спомнуваше како идна дестинација на Вирџил по извесното заминување од Ливерпул летово. Договорот на Ван Дајк со Црвените завршува во јуни и најверојатно ќе биде слободен и сам ќе бира каде да ја продолжи кариерата. Не е исклучено и да остане во Ливерпул, но ќе има примамливи понуди од други европски гиганти.
Холанѓанецот се пресели од Саутхемптон на „Енфилд“ во 2018 година и стана вистинска клупска легенда. Тој веќе има одиграно над 300 натпревари за Ливерпул и даде голем придонес во успесите на тимот во овие седум години.
