Манчестер јунајтед официјално ги претстави новите дресови со кои тимот ќе игра на гостувањата во претстојната сезона, и ја урна и последната надеж на мнозинството навивачи дека овие дресови кои беа најавувани неколку месеци, сепак нема да бидат резервната варијанта за традиционалните црвени дресови со кои Ѓаволите играат дома.
Фановите се лути, има безброј негативни коментари на сметка на дресовите, но тимот ќе ги носи овие дресови на кои доминира нијанса на зелена и бела боја, дури и логото на клубот е во темно зелена боја, а не црвен со жолто. На дресот кој е 100 проценти направен од рециклирани материјали, има и тенки црвени линии, но тие речиси и не се забележуваат.
