На мечот од третата лига во Португалија меѓу Вилаварденсе и Вианенсе е постигнат еден од најневеројатните автоголови во фудбалот. Домашниот дефанзивец Руи Филипе Фереира Фариа си ја затресе сопствената мрежа, и тоа во судиското надополнување.
Гостите имаа предност од 1:0 и направија контранапад, а по лоб ударот, топката заврши во пречката. Руи Филипе беше сам на петерецот и сите очекуваа дека мирно ќе ја отстрани опасноста. Сепак, наместо топката да биде исфрлена далеку од голот, Руи Филипе скокна и со глава си даде автогол.