Херта не успеа и по третпат по ред да го победи Шалке 04 на свој терен на „Олимпискиот стадион“ во Берлин, а премиерниот меч од 20. коло во Бундеслигата заврши со реми без голови.
Гостите од Гелзенкирхен имаа подобри шанси во скромен меч што им донесе по еден бод на двете екипи. Можеби единствената позитивна работа за Херта е што дебитираше големото зимско засилување Кшиштоф Пјонтек.
Полјакот пристигна од Милан во редовите на прволигашот од Берлин и влезе во игра во 63. минута, со што и официјално дебитираше за Бундеслигашот.
Го чека битка за опстанок, бидејќи Херта со 23 бода не е далеку од опасната зона, иакозасега не се директно загрозени.
Шалке нема победа на два меча по ред и остана на шестата позоција со 34 бода, исто колку што има Баер Леверкузен, но со меч повеќе.
