Делонте Вест повторно е на улица и проси. Според видеото кое деновиве стана вирално на социјалните мрежи, поранешниот НБА-кошаркар повторно е бездомник и моли за корка леб.
Очигледно не помогна интервенцијата на Марк Кјубан, сопственикот на Далас, кој пред околу една година го тргна Вест од улица и се пушти во мисија да го врати во нормален живот.
Delonte West spotted back in the streets. 😞
Hope he’s able to get back on his feet. 🙏https://t.co/UOhU2wKpVO
— NBA Retweet (@RTNBA) June 11, 2022
Заглавен беше на наркотици, па Вест заврши во центар за одвикнување, а доби и работа со цел да се издржува. За жал, според видеото, тој им се вратил на старите навики.
Вест во својата НБА-кариера го носеше дресот на Кливленд, каде што му беше соиграч на Леброн Џејмс, а брои настапи и за Сиетл, Бостон и Далас.
