Европската ракометна федерација (ЕХФ) ѝ честиташе на Романката Кристина Неагу, која прва ја помина магичната бројка од 300 гола на Европските првенства.
Неагу во денешниот пораз на нејзината Романија од Германија со 32:28, постигна седум гола и дојде до неверојатни 303 погодоци во историјата на Европските првенства во женска и во машка конкуренција.
𝘼𝙗𝙤𝙫𝙚 𝙚𝙫𝙚𝙧𝙮𝙤𝙣𝙚 🐐 This is not a random penalty… @CrisNeagu8 becomes the first player to score 3⃣0⃣0⃣ goals in EHF EUROs’ history! 🇷🇴👏#ehfeuro2022 | #playwithheart pic.twitter.com/E7gFTZEcT9
— EHF EURO (@EHFEURO) November 16, 2022
На второто место се наоѓа легендарното крило на исландската репрезентација Гудјон Валур Сигурдсон со 288 постигнати голови на континенталните собири.
Селекцијата на Словенија со поразот од 29:25 од Унгарија во последното коло од групата 1 во главната фаза ги загуби шансите за полуфинале. Шведска пак ја совлада Хрватска со 31:27, но поради поразот од Данска во меѓусебниот дуел, остана без полуфинале во кое ќе играат други две скандинавски репрезентации, Норвешка и Данска.
Црногорките кои вчера го визираа местото во полуфиналето, денеска загубија убедливо од Холандија со 42:25 во групата 2.
