Деветнаесеттото коло на Спортска прогноза тргна одлично за Владимир С., кој ги погоди исходите на сите седум саботни мечеви од освоната понуда од 13 натпревари и беше на пат да стане првиот добитник на главната награда iPhone XS, но потоа во неделата резултатите не му одеа во прилог, па имаше дури три утки во прогнозите и остана и без утешните награди, ваучери од Sport Life во износ од 1.000 или 500 денари.
Владимир погоди 10 од 13-те парови кои беа во понудата за овој викенд, беше единствен со десетка и најуспешен прогнозер.
Продолжува битката во Генералниот пласман, каде што Христијан Т. е прогнозерот кој сигурно стои на врвот на табелата по 19 кола со вкупно 140 погодоци. Николче Д., Славе Б. и Петре И. имаат по 134, додека петтата позиција ја држи Благоја Т. со 131 поен. Како што е веќе познато, во Генералниот пласман главната добивка е Смарт ТВ од 48 инчи, а и останатите награди (SL market поени) се доста примамливи.
Новото, јубилејно 20-то коло на Спортска прогноза за оваа сезона ќе биде достапно за прогнозирање од денеска, по 14 часот.
