Српскиот тениски ас Новак Ѓоковиќ вчера се пласира во осминафиналето на Мастерсот во Шангај по пресврт против 159-тиот играч на светот, Јаник Ханфман. Тој славеше со 2:1, по сетови 4:6, 7:5, 6:3.
Непријатни сцени можеа да се видат во Шангај за време на целиот турнир – тенисерите се жалеа на условите, влажноста на воздухот и жештината што влијае на играта. Се појави и снимка на која се гледа како Новак Ѓоковиќ повраќа во два наврати, што предизвика загриженост.
Djokovic actually vomited multiple times during the match… pic.twitter.com/NEQoSO3V8N
— Corvath Draemir (@Archaicmind3000) October 5, 2025
Новак се мачеше против квалификантот, кој во претходните две рунди успеа да ги елиминира Лоренцо Сонего и Франсис Тијафо. Германскиот тенисер и вчера одигра над своето вообичаено ниво, направи брејк во третиот гем и му даде до знаење на Ѓоковиќ дека го чека тежок дуел.
