Врховниот суд кој ги понушти одлуките на Ла Лига и на Фудбалскиот сојуз на Шпанија во врска со регистрациите на Дани Олмо и Виктор Пау најдоцна до понеделник треба да ја донесе својата конечна одлука. Барселона задоцни со исполнување на условите за нивна регистрација до 31 декември, па откако беа одбиени регистрациите, Каталонците се жалеа и до Врховниот суд, кој ги стави овие одлуки во мирување сè до конечната одлука.
Образложението беше дека така финансиски се загрозуваат фудбалерите и се нарушува нивното право на работа, но одлуките на Ла Лига и ФС на Шпанија беа протолкувани како штетни за репрезентацијата и шпанскиот фудбал воопшто.
Во Барселона се надеваат дека судот ќе пресуди во нивна корист, но сепак постои неизвесност бидејќи во Шпанија голем е притисокот пресудата да биде донесена веќе во четврток, по одигрувањето на реванш-мечот од шпанскиот Куп.
Доколку Врховниот суд ги поништи регистрациите, тогаш оваа сезона практично ќе биде завршена за Олмо и Виктор и нема да имаат право да бидат регистрирани за друг клуб освен ако еднострано не го раскинат договорот со Барселона.
