Ѕвездата на ПСЖ, Нејмар, во интервју за „Еспорте еспектакулар“ говореше за времето кога го носеше дресот на Барселона и како настанало неговото пријателство со Лео Меси. Токму оваа тема е слаба точка на Бразилецот, а очигледно му недостасува неговиот пријател.
„Кога најмногу ми требаше помош, најдобриот на светот (Меси) ми посвети внимание и започна пријателство какво што никогаш не сум имал. Тешко ми е да зборувам за периодот во Барса, а уште потешко за Лео, кој секогаш ќе биде посебна личност за мене. Се сеќавам кога како детиште пристигнав во Барселона, добив порака од него: Тука сум да ти помогнам, немој да се плашиш и да се срамиш“, вели Нејмар.
Најскапиот фудбалер на светот моментално закрепнува од повреда глуждот, а се очекува на терените да се врати кон почетокот на април.
Дел од интервјуто во кое Нејмар говори за Меси можете да го погледнете на следниот линк.
