Бразилската фудбалска ѕвезда Нејмар би можело да се врати во европскиот фудбал, а сериозен кандидат за негов нов клуб е Олимпик Марсеј.
Нејмар, кој моментално игра за Сантос и има 33 години, наводно размислува за враќање во Европа за да фати натпреварувачки ритам и подобро да се подготви за претстојното Светско првенство кое се игра следната година.
Трансферот во Марсеј нема да биде лесен за реализација, но францускиот клуб верува дека желбата на Нејмар да се врати во познатата лига би можела да преовлада. Бразилецот е позитивен во врска со приклучувањето кон амбициозен проект во кој би можел да игра клучна улога. Раководството на Марсеј е подготвено да вложи финансиски и спортски напори за да ја убеди јужноамериканската ѕвезда и да го формализира неговото доаѓање што е можно поскоро.
Нејмар играше во Франција од 2017 до 2023 година, по трансферот од Барселона во Пари Сен Жермен за рекордни 222 милиони евра.
Марсеј е најголемиот ривал на ПСЖ во францускиот фудбал. Тие се единствените два тима што освоиле титули во Лигата на шампионите. Нејмар има договор со Сантос до крајот на годината.
