Ѕвездата на Сантос, Нејмар, не одговори конкретно на прашањето за неговата иднина откако ќе му истече договорот со клубот во декември 2026 година и најави дека можеби и ќе се пензионира.
„Не знам што носи иднината. Моето срце ќе одлучи. Можеби ќе сакам да се пензионирам во декември. Живеам ден за ден. Оваа година ќе биде одлучувачка не само за Сантос туку и за бразилската репрезентација, а и за мене лично“, рече Нејмар.
Нејмар, кој закрепна од операција на менискус, викендов го одигра својот прв меч во 2026 година. Најголема желба му е да игра на Светското првенство, ова ќе му биде последна шанса да освои Мундијал.
Но, прво ќе треба со своите игри да покаже дека е спремен и да се наметне кај селекторот Карло Анчелоти. Ако Нејмар е 100% фит, ќе биде повикан да игра на СП, најави Анчелоти.
