По доаѓањето на Лионел Меси во Пари Сен Жермен, францускиот гигант стана главен фаворит за освојување на трофеите во сите натпреварувања во коишто игра. Нејмар, кој веќе пет сезони е дел од Светците, верува дека токму доаѓањето на Меси во тимот е алката која фалела во изминатиов период.
„Многу сум среќен што Меси е во ПСЖ. Тој не само што е идол и ѕвезда, тој е и одличен пријател, но и гениј. Кога имаш пријатели покрај себе, тогаш секогаш е поубаво. Сакам заедно да испишеме историја како што направивме во Барселона“, вели Нејмар.
Бразилецот вели дека ПСЖ има одличен тим, а посебно издвојува неколку играчи. „Секако дека покрај мене е и Лео, тука е и Килијан Мбапе, како и Марко Верати. Мбапе е млад и брз играч. Тој е чудесен. Верати е одличен играч. Тој е еден од најдобрите играчи во средината на теренот и со коишто сум играл, заедно со Иниеста и Чави“, додаде Нејмар.