Пари Сен Жермен продолжува со добрите игри, а еден од најзаслужните за тоа е Нејмар. Бразилецот игра одлично, а тој беше и асистент на Лионел Меси во дербито против Лион што Светците го добија со 1:0.
Одличната форма на Нејмар се потврдува и со статистичкиот податок кој покажува дека тој е фудбалерот со најдобар придонес од сите фудбалери во Топ 5 лигите. Нејмар даде осум гола, а има и седум асистенции, што значи дека директно учествувал во постигнување на 15 погодоци во француското првенство.
Со ваков ефект, Нејмар зад себе го има оставено и Ерлинг Халанд, кој директно учествувал во постигнувањето на 13 погодоци за Манчестер сити. Халанд има 12 голови и само една асистенција.
Статистиката на Нејмар е одлична дури и да се погледне во подолг период. Против Лион тој го имаше јубилејниот 100-ти меч во француското првенство, а неговиот ефект е 77 погодоци и 44 асистенции.
