Бразилецот Нејмар најави дека нема да се врати во својата родна земја да игра фудбал кога ќе му заврши европската авантура и најверојатно ќе игра во МЛС-лигата во Северна Америка.
Во интервју за подкастот „Феномени“, Нејмар објасни зошто би ги одбрал Америка и Канада и тамошното првенство наместо родниот Бразил.
„Прво и најважно е што првенството трае временски помалку и ќе имам одмор од 3-4 месеци. Сакам да играм барем една сезона во МЛС-лигата. Не знам дали ќе играм пак во Бразил. Како што сега стојат работите не верувам“, изјави Нејмар.
Познат како одличен фудбалер и рекордер според висината на трансферот од 222 милиони евра, кога од Барселона во 2017 година пристигна во ПСЖ, но и како љубител на добрата забава и журките, не чуди најавата на Нејмар за трансфер во МЛС.
