Нејт Дијаз ќе го направи долгоочекуваниот камбек во октагонот во август годинава. Американецот по цели три години повторно ќе се бори, а противник на УФЦ 241 ќе му биде поранешниот шампион во лесна категорија Ентони Петис. Оваа потврда стигна од првиот човек на првенството во мешани боречки вештини, Дејна Вајт.
Дијаз последен пат се бореше во август 2016 година на УФЦ 202, кога загуби од Конор Мекгрегор. Иако првичниот план беше Дијаз да се бори со Дастин Поирир во ноември минатата година, но неговиот противник го откажа мечот поради повреда.
Искусниот американски борец ќе има тежок предизвик во пресрет на камбекот во октагонот бидејќи Петис импресионираше по дебито во категоријата велтер вејт, совладувајќи го Стивен Томпсон.
Diaz vs Pettis co main event August 17th at 170lbs. in Anaheim pic.twitter.com/xZlPJwjy5e
— danawhite (@danawhite) May 12, 2019
