Најдобриот тим во Океанија, новозелански Окленд сити, како континентален првак си обезбеди место на Светското клупско првенство кое ФИФА сакаше да биде инклузивно, но овој клуб е аматерски и се соочува со проблем пред утрешниот меч со Баерн Минхен.
Повеќето играчи на Окленд работат нешто друго, фудбалот им е занимација во слободно време, па за да заминат во САД на СКП, морале да земаат денови од годишните одмори. Но, имало и такви кои периодов не можеле да земат одмор и нема да играат на историското прво Светско клупско.
Ждрепката сакаше Окленд да биде во една од најсилните групи, ривали им се Баерн, Бенфика и Бока јуниорс, па овие рботници-фудбалери кои не отпатуваа, ќе пропуштат прилика да си ги одмерат силите со три гиганти на светскиот фудбал.
