Десниот бек на Манчестер сити, искусниот Кајл Вокер, се договорил да потпише договор со Баерн Минхен, објавуваат некои германски медиуми, кои влегуваат и во детали дека дилот е на две плус една година.
За реализација на трансферот, потребно е само уште да се договорат клубовите. Баерн и Сити се во добри односи, зимоска Граѓаните го позајмија Жоао Кансело во баварскиот клуб.
Но, од друга страна има сосема спротивна информација од „Билд“ дека тренерот на Баварците, Томас Тухел, добил студен туш од 33-годишниот Вокер, и наводно му рекол дека не сака да си замине од Манчестер сити со кој има договор до следното лето.
