Во сабота во Ријад ќе биде реванш-мечот во бокс меѓу Олександер Усик и Тајсон Фјури. Ова ќе биде борба за освојување на три од четирите големи појаси во светскиот бокс во тешка категорија. Мечот треба да започне во 22 часот по македонско време, а Усик влегува како актуелен светски првак.
Украинецот успеа да го победи Фјури на првиот меч, кој беше во февруари оваа година. Усик беше подобар на поени, а Фјури се жалеше дека тој требало да биде победник.
For the first time ever, an AI-powered judge will monitor the fight 🤖 Free from bias and human error brought to you by The Ring. This groundbreaking experiment, which won’t impact the official results, debuts during the biggest fight of the century, #Usyk2Fury, on December 21 🥊… pic.twitter.com/RdslVlBLRC
— TURKI ALALSHIKH (@Turki_alalshikh) December 17, 2024
За да нема сега такви забелешки од кој било од боксерите, организаторот на овој бокс меч за првпат во историјата реши во бодувањето да учествува и судија од вештачката интелигенција (АИ). Кога се работи за вештачката интелигенција, тука целосно се отфрла можноста од човечка грешка.
Сепак, АИ судијата нема да влијае на службените резултати од борбата. Мечот вообичаено ќе го оценуваат тројца судии, чии бодови би биле одлучувачки доколку нема предвремен прекин пред да се комплетираат сите 12 рунди.
