Американската легендарна скијачка Линдзи Вон имаше кошмарен настап на Зимските олимписки игри во Милано и Кортина. На својот прв настап на овие Игри, по само 10-тина секунди откако ја започна трката во спуст, Вон доживеа тежок пад.
Веднаш реагираа лекарите, а Вон со хеликоптер беше пренесена во болница. Веднаш беа направени две операции, а потоа и уште една, што само покажува колку била сериозна повредата. Некои лекари велеа дека при таква повреда, можело да се случи и уште полошо, односно ампутирање на ногата.
A little update from me…❤️ thank you for all the love and support. Helps me so much🙏🏻 pic.twitter.com/ui0lfSS064
— lindsey vonn (@lindseyvonn) February 13, 2026
Дека ситуацијата со Вон не е уште средена покажува и најавата дека скијачката ќе мора да направи и четврта операција. Јасно е дека тој кобен настап на ЗОИ во Милано и Кортина значи и крај на кариерата на една од најдобрите скијачки на сите времиња.
