Италијанскиот првак Милан на листата на нивни фудбалери кои може да играат во групната фаза од Лигата на шампионите, го изостави Златан Ибрахимовиќ.
Освен 40-годишниот Ибра кој уште не е закрепнат од операцијата на коленото која ја имаше во мај, отпаднаа и третиот голман Сипријан Татарушану, Астер Вранкс, Малин Тио, Јасин Адли и Тимуе Бакајоко.
Милан има дури 23 странци во составот, а во ЛШ еден тим смее да има најмногу 17 странци на пријавната листа. Во списокот е ставен Алесандро Флоренци, иако тој се здоби со повреда која ќе го оддалечи од фудбалските терени неколку месеци.
Росонерите од Милано во групната фаза ќе играат со Челзи, Лајпциг и Динамо Загреб.
