Капитенот на Реал Мадрид, Серхио Рамос, ги игра последните месеци во дресот на Кралскиот клуб. Актуелниот договор на Рамос истекува на крајот од сезонава, а многу веројатно е дека челниците на најтрофејниот шпански клуб нема да му понудат нова соработка.
Главниот проблем во преговорите е платата која ја бара Рамос. Дефанзивецот бара да ја добива платата која ја има од сегашниот договор, додека понудата на Реал е многу помала. Фудбалерот сака договор на две години, а понудата е за една сезона.
„Рамос си заминува. Нема назад, готово е.“ Во клубот веќе го знаат тоа и прават планови за новата сезона без капитенот“, рече познатиот шпански водител Јосеп Педрерол, во емисијата „Ел Чирингито“.
Рамос во Реал е неверојатни 16 години и стана една од иконите на клубот.