Рубен Собрино е јунакот на Кадис со победнички гол во последната секунда и прв историски триумф во меѓусебните дуели со Атлетико Мадрид.
Собрино погоди и буквално во последната секунда и во 13-от меѓусебен меч Кадис славеше со 3:2 и првпат го надигра тимот од Мадрид.
Досега на 12 меча Јорганџиите победија 7 пати, а пет дуели завршија нерешено.
Претходно со најбрзиот погодок што го прими Атлетико во последните 19 години, Кадис поведе со 1:0.
Тео Бонгонда погоди за само 27 секунди во драматичен меч, веројатно и највозбудлив во Ла Лига сезонава.
Тоа е најбрзиот гол што Атлетико го примил во последните 19 години, а претходно најбрз погодок им даде Кристијано Роналдо во 2003 година за само 13 секунди на меч со Реал Мадрид.
27 – Only 27 seconds has taken Théo Bongonda to score the first of the @Cadiz_CFEN against @atletienglish, being the earliest goal received by the Rojiblancos in @LaLigaEN since December 2003 (Ronaldo with Real Madrid at 13 seconds).
Early.
— OptaJose (@OptaJose) October 29, 2022
Во 81. минута и Алекс Фернандес погоди, па Кадис со предност од 2:0 имаше уникатна шанса да ја прекине црната серија против Атлетико.
Никогаш досега во 12 меча во Ла Лига не го победиле Атлетико, а им успеа во невиден финиш.
Во 85. минута Ернандес си даде автогол за 2:1, а на 2:2 израмни Жоао Феликс по само 240 секунди.
Сепак реми немаше и победи Кадис со последен гол на мечот на Собрино во 99. минута, што беше потврден и со ВАР системот.
