Нема спас за противникот кога Кари ќе ги намести нишанските справи, Леброн не беше во препознатливиот елемент (Видео)

Екипата на Голден стејт вориорс славеше над Филаделфија со 119:107 во меч од НБА-лигата. Првата ѕвезда на Воините, Стеф Кари, беше расположен за игра и постигна 37 поени (даде осум тројки), а имаше и осум скока и седум асистенции.

Домашниот тим во третата четвртина прв пат стигна до двоцифрена предност (69:57) и потоа до крајот во ниту еден момент не му дозволи на гостинот да се понадева дека може да направи пресврт. Џонатан Куминга со 26 поени и Ендрју Вингс со 23 поени беа одлични кај победничкиот тим, а Тобијас Харис даде 26 поени за Филаделфија.

Лос Анџелес лејкерс загуби на гостувањето кај Атланта, и тоа со 138:122. Кај Лејкерси го немаше Ентони Дејвис, а Леброн Џејмс немаше свој ден, па за него постигна скромни 20 поени, а имаше дури и 10 промашувања од игра.

Кај Атланта одличен беше Тре Јанг со 25 поени и 13 асистенции, додека Богдан Богдановиќ постигна 18 поени.

Во синоќешната НБА-понуда имаше уште три меча во кои Бостон ја победи Индијана со 129:124, Њујорк славеше над Јута со 118:103, а Торонто беше единствениот гостински тим што се радуваше, и тоа на теренот на Чикаго со 118:107.

- Оглас -

Најнови вести