На ВТА тенискиот турнир во Богота, Колумбија, се случи една немила сцена. Британската тенисерка Франческа Џонс, која е на 129-тото место на ВТА-листата, се подготвуваше да сервира, кога во финишот на мечот ѝ се слоши.
Џонс сервираше за останување во мечот. Нејзината противничка Јулија Риера водеше со 5:3 во третиот решавачки сет, кога се случи немилата сцена. Џонс го фрли топчето во воздух и требаше да сервира, но наеднаш падна на земјата. Сите се зачудија и се вознемирија од тоа што го видоа.
Веднаш реагираа лекарските екипи и, за среќа, сѐ добро заврши. Медицинските лица ја ставија тенисерката во инвалидска количка и ја изнесоа од теренот, а мечот, секако, беше прекинат.
Fran Jones collapsed on court in Bogota and had to retire. Really scary to see, my prayers are with her 🙏 pic.twitter.com/P5ktrDf4Ep
— Owen (@kostekcanu) April 2, 2025
„Поради физички проблеми, Фредерика Џонс се повлече од мечот против Риера при резултат 5:3 во третиот сет во корист на Аргентинката“, стои во соопштението на организаторот на турнирот, иако нема точно наведено која била причината за падот на Британката.
