Најдобриот македонски кошаркар, Ненад Димитријевиќ, кариерата ќе ја продолжи во рускиот Зенит Санкт Петербург.
Популарниот Нено се договорил со Зенит и треба да стави потпис на двегодишен договор вреден 3 милиони евра (годишна плата од 1,5 милиони). Димитријевиќ ќе добие и 500.000 од Армани Милано за предвременото раскинување на договорот.
Димитријевиќ, кој има 26 години, еднаш веќе настапуваше во Русија пред да оди во италијанскиот евролигаш и играјќи за Уникс Казањ остави силен впечаток.
Во Милано тргна добро, беше најкорисен играч на италијанскиот Суперкуп, но потоа тренерот Еторе Месина не му даваше шанса и пропушти поголем дел од втората половина од минатата сезона.
