Македонскиот кошаркарски репрезентативец Ненад Димитријевиќ најверојатно ќе ја промени средината во новата сезона бидејќи според последните информации од Италија, тој е на излезна врата од Милано.
Иако дебитираше во Евролигата, македонскиот плејмејкер не добива значителна минутажа и не успеа целосно да се вклопи во системот на тренерот Еторе Месина. Италијанскиот новинар Андреа Калцони објави дека Димитријевиќ веројатно ќе бара нов клуб, а во наредните месеци се очекуваат разговори за раскин на договорот кој важи до 2026 година.
Во меѓувреме Милано веќе планира засилување и има интерес за Британецот Квин Елис, кој настапува за Трентино.
Димитријевиќ пристигна во Милано како големо засилување и МВП играч на ВТБ-лигата откако блескаше во дресот на Уникс Казањ. Претходно тој беше дел од шпанските тимови Валенсија и Хувентуд.
🚨‼️Neno Dimitrijevic’s future now seems to be decided: he will probably change team next season.
— Andrea Calzoni (@Andrea__Calzoni) March 16, 2025
The parties will deal in the next months for the termination of the contract.
👉Olimpia Milano, as already written, wants to sign Quinn Ellis.#EuroLeague #OlimpiaMilano #LBA pic.twitter.com/X6bkXBrglz
