Македонскиот кошаркарски репрезентативец Ненад Димитријевиќ со 24 поени беше прв стрелец на Уникс Казан, во големата победа над ЦСКА Москва од 112-104 (по продолжение), во дуел од ВТБ-лигата, во која на првите две позиции се овие две екипи, а тренер на Армејците од Москва е Емил Рајковиќ.
Димитријевиќ на паркетот мина 30 минути и беше најефикасен поединец во својот тим, нанесувајќи им го на Црвените вториот пораз сезонава. Уникс има три порази.
