Рандал Коло Муани уште не може да биде фудбалер на Јувентус, иако Пари Сен Жермен се сложи да го отстапи на позајмица, а играчот ги помина и лекарските прегледи во Торино.
Кочница за трансферот да биде комплетиран прави едно правило на УЕФА кое вели дека еден клуб не смее да даде повеќе од шест фудбалери на позајмица во текот на една сезона. Од ПСЖ веќе го имаат достигнато тој лимит, па едноставно не може да се реализира заминувањето на Коло Муани во Торино како позајмен фудбалер.
Во следните неколку дена, за да се комплетира заминувањето на францускиот репрезентативец во Јувентус, потребно е ПСЖ или да врати еден играч што е од позајмица, или фудбалер кој моментално е на позајмица да биде продаден.
