Само на неколку дена пред почетокот на новата сезона, Барселона неочекувано остана без услугите на централниот дефанзивец Ињиго Мартинес. Тој ја прифатил понудата на Ал-Наср, а Каталонците не му правеле проблем и прифатиле предвремен раскин на договорот, па Мартинес ќе се пресели во Саудиска Арабија како слободен фудбалер.
🚨💣 BREAKING: Al Nassr agree deal to sign Iñigo Martínez, here we go! 🟡🔵
Iñigo will terminate his contract at Barcelona with immediate effect and join Al Nassr as free agent.
Contract until June 2026 plus option for further season until June 2027. pic.twitter.com/uVxHwW7PSV
— Fabrizio Romano (@FabrizioRomano) August 7, 2025
Барселона и Мартинес имале џентлменски договор, да биде ослободен доколку стигне богата понуда од Саудиска Арабија, а сега тоа и се случи, па Шпанецот следната сезона ќе му биде соиграч со Кристијано Роналдо.
Триесет и четиригодишниот Ињиго Мартинес во Барселона пристигна пред две години како слободен фудбалер од Атлетик Билбао, а во март годинава го продолжи договорот со Каталонците до летото 2026 година.
Ханси Флик сега останува со четворица дефанзивци, и тоа Пау Кубарси, Роналд Араухо, Андреас Кристенсен и Ерик Гарсија, а доколку е потребно, може да помогне и Жул Кунде, чија примарна позиција е десен бек.
