Фудбалерите на Интер се вторите финалисти во италијанскиот Супер куп откако вечерва во Ријад, Саудиска Арабија, со 3:0 го совладаа Лацио.
Противник на Нераѕурите во финалето ќе биде Наполи кој вчера со 3:0 славеше над Фиорентина.
Интер победата ја најави уште на самиот старт кога во 17-та минута Маркус Тирам го отвори резултатот и тоа по фантастичната асистенција на Федерико Димарко. Димарко со петица му асистираше на Тирам кој беше сам на втората статива и немаше проблеми да ја смести топката во мрежата.
Дилемите околу победникот беа решени на стартот од второто полувреме кога Интер зголеми на 2:0. Хакан Чалханоглу од пенал во 49-та минута зголеми на 2:0 откако во шеснаесетникот на Лацио беше фаулиран Лаутаро Мартинес.
Конечниот резултат го постави Давиде Фратези во 83-та минута по одлично одигран контранапад.
