Барселона со 3:1 го победи Алавес во меч од 14 коло на шпанското првенство и се искачи на чело на табелата. Каталонскиот гигант има 34 бодови, два повеќе од најголемиот ривал Реал Мадрид, но мадриѓани денеска играат против Жирона и со евентуален триумф, ќе го преземат врвот на табелата.
Иако беше апсолутен фаворит, Барселона се намачи против Алавес. Гостите поведоа по само 43 секунди од мечот, а Барселона до полувреме направи пресврт и поведе со 2:1. Сепак, до самиот финиш на средбата беше неизвесно, а Алавес имаше шанса да израмни во последните минути од средбата.
Откако Барселона се одбрани, во судиското надполнување, Дани Олмо со својот втор гол на мечот, го запечати триумфот на Каталонците.
По средбата, тренерот на Барселона Ханси Флик не беше премногу задоволен. Германскиот стратег остана на клупата и беше речиси во фаза да заплаче. Потоа до него дојде Рафиња и нешто му кажа.
What’s wrong with Hansi Flick🥺 pic.twitter.com/zJIpYK6lJA
— Berneese (@theberneese) November 29, 2025
Подоцна, Флик откри дека бил разочаран поради тоа што неговиот тим не играл добро како што тој посакувал.
„По завршување на мечот, Рафиња ми ги кажа истите работи кои јас ги реков минатиот пат: „Ќе напредуваме и ќе бидеме подобри на следниот меч“, вели Флик, кој беше незадоволен бидејќи неговите фудбалери многу лесно го губеле поседот на топката и дозволувале противникот да создава опасни ситуации во нападот.
„Најважно е дека победивме, но има некои работи кои никако не ми се допаѓаат. Повторно многу лесно ја губевме топката. Имаме многу проблеми со повредени играчи сезонава, но едноставно мора да напредуваме. не ме интересира како било претходно, важно ми е сега да бидеме добри“, рече Флик.
Пред Барселона е тежок период со неколку важни натпревари. Веќе во вторник на „Камп ноу“ ќе играат против Атлетико Мадрид, а потоа следи и нов предизвик и тоа на гости кај секогаш незгодниот Бетис.
