Полска тенисерка, Ига Швјонтек, по четвртипат во кариерата е победник на гренслем турнирот Ролан гарос, откако попладнево со максимални 2-0 ја победи италијанката Паолини.
Швјонтек доминираше во текот на целиот натпревар и ја оправда фаворитската улога која ја имаше, па ги доби двата сета со убедливи 6-2 и 6-1. Паолини иако се обидуваше да парира, сепак немаше никакви шанси против далеку поквалитетната тенисерка од неа.
За Швјонтек ова е петти трофеј од гренслем турнирите, а освен четирите во Париз, има титула и од САД опен.
