Илија Несторовски нема да може да игра во следните три недели до еден месец. Ова е хендикеп за Палермо, кој се бори за влез во Серија А. Тој сезонава има дадено шест гола.
Снимките на магнетна резонанца покажале дека македонскиот репрезентативец има непријатна повреда од втор степен на листот на левата нога. Несторовски уште завчера почна со рехабилитација и физиотерапевтски третмани, но за него играњето во 2018 година е завршено.
Несторовски е капитен на Палермо и во таа улога денеска заедно со уште двајца соиграчи беше во посета на детска болница во Палермо. Тој на болните им посака што побрзо да оздрават и да дојдат на стадионот „Ренцо Барбера“ и да навиваат за тимот на Палермо.
