Актуелниот шпански првак Реал Мадрид, одбраната на титулата ја почна само со реми од 1-1 на гостувањето кај Мајорка.
Ова е првпат со Карло Анчелоти како тренер, Реал Мадрид да не победи во меч од прво коло во шпанската лига, досега имаше пет од пет.
Реал поведе со голот на Родриго, ова е втора сезона по ред во која првиот гол за најтрофејниот клуб го постигнува Бразилецот, но овојпат Белите не победија.
Ведат Муриќи изедначи со шут со глава по еден корнер во 53-та минута. Мајорка одлично се бранеше, а беше опасна и во нападот, па го заслужи бодот.
