Челзи за првпат во клупската историја во своите витрини го донесе пехарот наменет за најдобриот клуб во светот. Лондонскиот тим во финалето на Светското клупско првенство, со 2:1 го победи бразилскиот Палмеирас, и тоа дури по 120 минути игра.
Погодокот вреден титула го постигна Кај Хаверц од пенал во 117-тата минута, а интересно е дека клучна улога во целата ситуација одигра Сезар Аспиликуета.
Веднаш по досудениот пенал за Челзи, Аспиликуета ја зеде топката во своите раце, а темпераментните Бразилци веднаш го опколија и започнаа да му прават притисок. Судијата дури мораше да им додели и неколку жолти картони на играчите на Палмеирас за да се смират бидејќи буквално го нападнаа Аспиликуета во обид да му направат притисок пред изведување на пеналот.
Кога ситуацијата се смири, Аспиликуета мирно само му ја подаде топката на Хаверц, кој претходно можеше во мир да се сконцентрира пред изведување на пеналот.
Германскиот репрезентативец без проблем погоди, а фудбалерите на Палмеирас сфатија дека залудно му правеле притисок на Аспиликуета кога тој воопшто не ни планирал да шутира од белата точка.
A penalty kick is a team performance! For Chelsea’s decisive penalty last night, Azpilicueta acted as decoy for Palmeira’s mind games, while the real penalty taker, Havertz, quietly prepared his kick in the periphery. Then a last-second switch. How did they do it? And why? 1/9 pic.twitter.com/yeMTvhqXFl
— Geir Jordet (@GeirJordet) February 13, 2022
