Репрезентацијата на Австралија се пласира на Светското првенство во Катар откако по неверојатна драма, дури по подобро изведување на пенали, го елиминира Перу. Австралија помина два нокаут-меча и заслужено ќе биде дел од светската елита затоа што пред една недела со 2:1 ги елиминира и Обединетите Арапски Емирати.
На неутрален терен вечерва во Катар, Австралија и Перу одиграа меч на кој двете екипи многу повеќе гледаа да не примат гол отколку да погодат. Затоа и немаше погодоци по 90 минути, а исто беше и по дополнителните 30 минути, па мораше да се изведуваат пенали.
Селекторот на Австралија реши да направи изненадување во 121-вата минута и на местото на Рајан го стави Редмајн да ги брани пеналите. Лошо започна пенал-рулетот за Австралија затоа што Бојл го промаши првиот шут, а потоа Перуанците утнаа во третата серија, кога непрецизен беше Адвинкула. По пет серии беше 4:4, а потоа Мабли погоди за Австралија, додека Валера е трагичарот на Перу затоа што не погоди и Кенгурите ги добија пеналите со 5:4.
🚨Australia have officially qualified to this year’s FIFA World Cup which will be hosted in Qatar #JoySports | #Qatar2022 pic.twitter.com/CsdIvU0zrk
— Joy Sports (@JoySportsGH) June 13, 2022
