Кениецот Стенли Омонди се најде во центарот на вниманието на јавноста во неговата земја и во шаховскиот свет, бидејќи се маскира со хиџаб и со наочари за сонце и играше на турнир за жени.
На 31-то издание на меѓународниот шаховски турнир, Отворено првенство на Кенија, кој се играше од 6. до 10. април во Најроби, настапија 445 шахисти во машка и женска конкуренција, организаторите беа збунети од една од натпреварувачките која во последен момент се појави на турнирот.
Таа носела хиџаб со кој било покриено лицето, а имала и очила, а вниманието на организаторите и судиите им го привлекле и машките кондури, како и широките рамења.
Stanley Omondi, disguised himself & cheated through Chess Kenya open as a woman where he was poised to win Sh500K. Omondi, kept his identity a secret by wearing a niqab and using the name Millicent Awuor. pic.twitter.com/QAWTJ59jLs
— Kenya West (@KinyanBoy) April 13, 2023
Стенли одиграл четири кола, по што судиите го тргнале на страна и една од судиите го испратила до тоалетот каде бил замолен да го симне хиџабот, по што била откриена измамата.
На крајот, Стенли Омонди, им признал на организаторите дека се одлучил за измама поради богатата парична награда која изнесувала околу 3.300 евра за победникот на женскиот турнир.
