Милвоки бакс славеа на домашен терен со 120:119 против Мајами хит во еден од највозбудливите натпревари сезонава.
Актуелниот првак имаше негатива од четири поени на 14 секунди до крајот на средбата, а со тројката на Мидлтон и двата поени на Џру Холидеј во последната секунда, успеа да направи комплетен пресврт за голема радост во салата.
Најефикасен кошаркар кај победничкиот тим беше Јанис Адетокумбо, кој имаше дабл-дабл учинок од 28 поени и 17 скокови.
Денвер, пак, на домашен терен го имаше еден од најшокантните порази сезонава откако изгуби од Оклахома сити тандер со 107:119.
Гостите предводени од Шај Гилбос Александар (29 поени) и Ајзеа Роби (26 п.) ја остварија една од најсензационалните победи досега. Јокиќ, пак, со дабл-дабл од 22 поени и 16 скокови не можеше да му ја донесе победата на Денвер.
НБА
Кливленд кавалирс – Шарлот хорнетс 98:119
Орландо меџик – Индијана пејсерс 114:122
Филаделфија 76-ерс – Њујорк никс 123:108
Хјустон рокетс – Јута џез 127:132
Милвоки бакс – Мајами хит 120:119
Њу Орленс пеликанс Сакраменто кингс 125:95
Денвер нагетс – Оклахома сити тандер 107:119
Феникс санс – Портланд трејлблејзерс 120:90
https://youtu.be/2v28fOaUG3I
