Податоците на „BeSoccer“ покажуваат драстична разлика кај црвените картони на Барселона во последните десет сезони кога ќе се споредат салдото во шпанската Ла Лига и Лигата на шампионите.
Во шпанското првенство, Барселона има плус од дури 31. Ривалите на Барселона имаат добиено 63 црвени картони, а 32 играчи на Барса биле исклучени во истиот период во националното првенство. А, во ЛШ во последнната декада, салдото на Барселона е -7. Барселона имала вкупно 12 исклучени играчи во тој период, додека нивните противници биле намалени на 10 играчи во само пет наврати.
Кај Реал Мадрид и Атлетико Мадрид ситуацијата е далеку поизбалансирана.
Реал има -1 во Ла Лига (40 исклучувања за противниците и 41 за играчи на Реал), а +10 во ЛШ (16 за противниците, шест црвени за Реал). Атлетико е на -15 во Ла Лига, а +3 во Европа.
Очигледни се разликите во судиските критериуми со кои се соочуваат шпанските тимови кога играат во домашната Лига и кога се натпреваруваат во Европа.
